Eineltisstefna

Skilgreining fyrirtækisins á hvað einelti og kynferðisleg áreitni er styðst við reglugerð nr. 1000/2004 en þar segir í 3. gr.: Einelti: Ámælisverð og síendurtekin ótilhlýðileg háttsemi, þ.e. athöfn eða hegðun sem er til þess fallin að niðurlægja, gera lítið úr, móðga, særa, mismuna eða ógna og valda vanlíðan hjá þeim sem hún beinist að. Kynferðisleg áreitni og annað andlegt eða líkamlegt ofbeldi fellur hér undir. Góðlátlegt grín meðal jafningja telst ekki einelti. Birtingarmyndir eineltis geta verið margs konar:

• Baknaga þolandann og hæðast að honum.
• Skapa múgæsingu gegn þolanda.

• Að starf, hæfni og verk þolandans séu lítilsvirt.
• Móðgandi símtöl, lítilsvirðandi texti í tölvupósti eða öðrum skriflegum sendingum.
• Óþægileg stríðni, niðurlæging eða auðmýking, t.d. vegna aldurs, kynferðis eða þjóðernis.

• Særandi athugasemdir, rógur eða útilokun frá félagslegum og faglegum samskiptum.
• Fjandskapur eða þögn þegar spurt er eða fitjað upp á samtali.

• Misnotkun, t.d. með því að neyða þolandann til að sinna endurtekið erindum sem falla ekki undir starfsvið hans eða að láta hann hafa of fá eða of mörg verkefni.
• Árásir á þolandann eða gagnrýni á einkalíf hans, skamma þolandann eða gera hann að athlægi.
• Að draga að ástæðulausu úr ábyrgð eða verkefnum og gefa ekki nauðsynlegar upplýsingar.
• Líkamlegar árásir eða hótanir um slíkt.

Starfsmaður sem telur sig verða fyrir einelti eða kynferðislegri áreitni á vinnustaðnum er hvattur til að tilkynna um það strax til næsta yfirmanns, trúnaðarmanns eða mannauðsstjóra. Ef kvörtun beinist að næsta yfirmanni getur starfsmaður leitað til næsta stjórnanda þar fyrir ofan. Allar tilkynningar eru meðhöndlaðar af fullum trúnaði. Enginn starfsmaður skal sæta hefndum vegna þess að hafa lagt fram kvörtun í góðri trú.

Þegar tilkynning berst skal hefja könnun á málinu eins fljótt og auðið er. Báðum aðilum er gefinn kostur á að koma sinni hlið á framfæri. Ef niðurstaðan er sú að einelti eða áreitni hafi átt sér stað verða viðeigandi agaviðurlög beitt, allt frá áminningu til uppsagnar eftir alvarleika brots. Stefna þessi er endurskoðuð reglulega og kynnt öllum nýjum starfsmönnum við ráðningu.